Yo quixera esnalar como un páxaru y
llegar hasta Marte,
y dende l’altor pente nubes mui suaves
cayer nes tos manes.
Yo quixera flotar pel espaciu
igual que la lluna,
y ente les estrelles llumantes y enceses
dir a la to busca.
Yo quixera esguilar los cumales
del monte Parnasu,
y coles deidaes facer coles rimes
romances d’antañu.
Yo quixera vivir colos dioses
nel altu l’Olimpu,
pa qu’ellí me contaxen el so inmortal xeniu
y el numen divinu.
Yo quixera ensin mitos nin ritos
llevate a una estrella
na fin l’universu y ellí gociar solos
el nuestru amor nella.
Manfer De La LLera
No hay comentarios:
Publicar un comentario